العودة   مركز بوابة العرب التعليمي > منتديات الجرافيكس والفيديو والتصوير > منتدى الفيديو و الصوتيات > قسم برنامج iClone > شروحات ودروس برنامج iClone

إضافة رد
 
أدوات الموضوع
  #1  
قديم 02-05-2009, 06:29 PM
الصورة الرمزية myya100
myya100 myya100 غير متواجد حالياً
 
تاريخ التسجيل: Apr 2009
المشاركات: 107
Exclamation الآن وبعد طول اتظار........نظرة شاملة على aml script





السلام عليكم ورحمة الله وبركاتة
انا كنت لما بسمع الاسم ده كنت بتخض باحسبه برمجة وكلام من ده لا سامح الله
بس كنت غلطان........الموضوع طلع سهل وبسيط ......بس شوية صبر وتركيز


اولا هي عبارة عن تفاعل في المشهد بين الشخصية والبروبس اوحركة جاهزة للبروبس او الشخصية
وهي توفر وقت كبير في عملية التحريك كما انها تقلل الاخطاء
مثال عندك شخصية وكرسي وعايز تخلي الشخصية تقعد على الكرسي....لعمل هذة الحركة يدويا متعبة وقابلة للخطأ
ولكن بهذة الاداة القوية ..سهلة جدا مجرد ضغطة ماوس او اتنين
قبل ما ابدأ .......في شيء رائع كنت غافل عنه
aml tamplet
وهي عبارة عن بروبس جاهزة في البرنامج وفايدتها انها بتعمل تعريف للأشياء
بمعنى بتعرفلك اي شيء سرير او كرسي اوحتة مصطبة....انها شيئ يتم الجلوس عليه والقيام منه
وكمان بتعرف البروبس لأشياء ممكن التقاطها وطرحها.....
وكمان بتعرف الشخصية انها شخصية قابلة للضرب يعني لو واحد ضربه يقع ويتوجع
الطريقة سهلة جدااااااااا
بتختار اي aml tamplet انت عايزه يعني تامبلت الجلوس او الشخصية او الالتقاط
وتحطه في المشهد وتعمل pick parent وتختار الكرسي مثلا ....بس لازم تظبط المكان بتاعها على الكرسي بالظبط
عشان ما يقعدش على الهوا او تحت الكرسي .........بس كده انت عرفت الشخصية ان ده كرسي .....بعد كده بتختار الشخصية المطلوبة وتختار الكرسي وتضغط يمين
وتختار الأمر المطلوب.....جلوس قيام.......نفس الكلام مع تامبلت الالتفاط والشخصية والتحية
tamplet موجودة في رابط آخر الدرس
دي طبعا من الأشياء الي هتغير مسا ر الشغل بالكامل.......والله روعة
ندخل على الأهم والصعب كله يركز ويسيب اللي في ايده
دلوقتي هنتعلم ازاي اعمل انا الأوامر للشخصية او البروبس وهي perform operate move
طبعا في برنامج مخصص لكده وسهل برضه بس عايز تركيز.....البرنامج في الرابط أيضا
دلوقي انا عايز اعمل ايه؟؟؟.....عايز لما اضغط يمين على شخصية يطلعلي كلمة perform واختار الأمر اللي انا عايزه او عايز لما اتضغط يمين
على البروبس يظهرلي كلمة operate واختار الأمر اللي انا عايزه
اولا عايزين نفرقبين persona -drama script
البرسونا شيء يضاف للشخصية عشات يعطي بعض الأوامر......والدراما شيء للبروبس ليعطي بعض الأوامر ايضا
يعني البروبس ...دراما ........والبرسونا .....شخصية
احنا عايزين نعمل برسونا او دراما.....هنعرف دلوقتي....بس عايز اقولكم في بعض البرسونا والدراما الجاهزة الجميلة وضعتهم في الرابط أيضا
البرنامج المستخدم :aml script editor

الجزء الأيسر: لاضافة الاوامر وتسميتها
الجزء الأيمن لاضافة خطوات الأمر
بعدلما لما بتخلص شغل بتعمل save as على هيئة .aml وي طبعا تستخدمها للبرسونا او الدراما
اول تمرين .......عايز اعمل شخص لما اضغط عليه يمين يديني كلمة برفورم ويطلع منها قايمة اختار منها الحركات اللي انا عاوزها.....
نفتح البرنامج ومن الجزء الأيسر نختار نوع الأمر operate -perform
بعدين نعمل add command ونسميه وليكن jump
نروح الجزء الأيمن ونختار نوع الخطوة المطلوبة وليكن animation clip
ونعمل add clip هيفتح نافذة تختار منها اي حركة عندك وليكن حركة قفز ....طبعا ممكن تعمل حركاتك الشخصية ...وتستوردها
لوعايزه يعمل حاجة بعد القفز وليكن الاعتدال اعمل كمان animatio clip واختار حركة الاعتدال
وهكذا مكن اطول واعدل في الأمر زي ما انا عايز.....
طبعا لوعايز تعمل كمان أمر بتضيف command جديد وتختار حركته ....وهكذا زي ما انت عايز
بعد لما خلصت بتعمل save as وتحفظ يا خال بتخش في ايكلون وبتجيب شخصية وتكليك يمين import persona وتختار الملف الي انت لسه حافظه
وشوف النتيجة .............مذهلة طبعا
تاني تمرين......عايز اعمل بروبس ولما كليك يمين تظهرلي كلمة برفورم واختار منها اي حركة لبروبس
ملحوظة ....لازم هنشتغل بالماكس ....عشان ايكلون ما بيصدرش صيغة i animeاوحتى لا يحفظ هذة الصيغة
لو حد عنده طريقة نعمل حركة للبروبس ونحفظها .ianime يقوووووووووول
المهم عقبال لما تفكروا باعمل موديل بالماكس او بجيبه جاهز وليكن المثال على درج مكتب
اولا باعمل حركة فتح الدرج على الماكس .ااوحركة قفلة وبعدين اصدر واختار النوع بروبس واختار animation only
عشان تصدر على هيئة .i anime
وبعدين ما انساش اصدر الموديل بتاعي gemetry only على هيئة props
افتح البرنامج الجميل واعمل نفس القصة اختار امر وبعدين animation clip واختار الحركة اللي لسه مصدرها بالماكس واحفظ
افتح ايكلون واستورد الدرج وكليك يمين وimport drama script واختار الملف اللي انت لسه حافظه .........وشوف النتيجة
طبعا ممكن تضيف الاوامر والحركات اللي تعملها للبروبس بسهولة
التمرين التالت...شخص واقف ودرج مكتب بعيد عنه عايز اضغط على الدرج يظهرلي operate واختارمنها open او close
ركزوا شوية....................:dumbe lls:
الامر هيمشي ازاي؟؟؟؟؟؟ الأول الشخصية لازم يروح لعند الدرج وبعدين يحصل حركتين في نفس الوقت ...حركة الشخصوهو بيفتح يعني ايده بتتمد للدرج وترجع
وحركة الدرج وهو بيفتح مع الشخص .........فهمتوااااااااا
نيجي للتنفيذ اعمل امر واحد واسميه open
الشغل كله في الجزء الايمن ...خطوات الأمر.......
اول حاجة اختار نوع الخطوة والمرة دي هتكون link clip
ده معناه ان الشخص هيروح للدرج في اي مكان
تاني خطوة اختار animation clip واختار حركة الشخص وهو بيفتح الدرج
تالت خطوة animatin clp واختار حركة الدرج وهو بيتفتح
ومن الجزء الاسفل احدد الحركتين يمشوا في نفس الوقت ولا منفصلين والوقت بينهم اديه ..............وطبعا هنحفظ ونستورد وتفرج على المتعة
طبعا ممكن يبقى فيه بعض التشويش نتيجة عملية link انت طبعا بتظبطها وده كله على حسب خبرتك
لا يبقى سوى التجربة والتمرين لتصبح محترف........اتعب شوية وهتحس انك فعلا بتتطور
اتمنى اكون افادتكم ولو بعض الشيء ...انا عارف ان الموضوع صعب شوية بس عايز صبر وتركيز
تحياتي للجميع
http://www.mediafire.com/download.php?zez5v2daznn
__________________
ليكن مجموع همك......................... رضا الله
الله يراني .....الله ناظري.........الله مطلع علي
لا تضيع وقتك.........عش لدينك......... وخدمة دعوتك
ماذا ستقول لربك؟؟؟؟؟؟؟؟؟؟؟؟؟؟؟؟؟؟؟
*قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جمعيا*
لا تتكاسل دقيقتين يغفر الله ذنبك ........ولكن اصدق النية ويقبلك الله

http://www.shbab1.com/2minutes.htm
رد مع اقتباس
  #2  
قديم 02-05-2009, 06:56 PM
الصورة الرمزية أحمد عبد الخالق
أحمد عبد الخالق أحمد عبد الخالق غير متواجد حالياً
 
تاريخ التسجيل: Jun 2004
المشاركات: 2,144
افتراضي

* أهلا بك أخــــــــى ميه ميه

** الموضوع مهم جدا خاصة إذا أردنا عمل حركة معينة تفاعلية مثل فتح وغلق الباب , الجلوس على الارض , الجلوس على كرسى , مسك اى اداة مثل مشروب وتركها مرة اخرى , او للتشويح بإلقاء السلام بين شخصيتين وكذا عمل بعض الحركات القتالية بينهما

** اسمح لى اخى بهذه الاضافة للتعرف أكثر على استخدام الادوات الجاهزة فى البرنامج من خلال هذا الدرس على موقعه

iClone AML Template

كود PHP:
http://www.reallusion.com/reallusiontv/VID/Tutorial/amltemplate.html 
--------------------------------------------------------------------

* بخصوص البرنامج فهو رائع اخى وانا احاول التعرف عليه لتصميم الحركات والتأثيرات التى ارغب بها واربطها بالشخصيات والاداوت

مع اطيب الامنيات
__________________

سبحان الله وبحمده ... سبحان الله العظيم

Ahmed M. Ali
IT Engineer



التعديل الأخير تم بواسطة أحمد عبد الخالق ; 02-05-2009 الساعة 06:59 PM
رد مع اقتباس
  #3  
قديم 02-05-2009, 06:59 PM
الصورة الرمزية hamaki nn
hamaki nn hamaki nn غير متواجد حالياً
 
تاريخ التسجيل: Jul 2008
المشاركات: 2,106
افتراضي

ده اللى بقوله دايما عليك
واد جاهز- شخصية نظيفة غير معقدة- مخ نظيف - معطاء
تسلم ايدك على هذا الشرح الوافى الكافى
عملت كل حاجة ونسيت اهم حاجة الا وهى الاسهم المكتوب عليها الاوامر
وده الملح اللى نسيتة ( يجب مراعاة اتجاهات الاسهم ) فلو وضعنا مثلا اى اداة فليكن سيفا ملقى
على الارض فيجب وضع اتجاه السهم ناحية مقبض السيف فعندما نعطى اوامر التقاط السيف من
الارض يقوم الشخص بألتقاط السيف من مقبض السيف وليس من ناحية النصل.

تحياتى لك من الاعماق وطبعا مش قادر اخبى فرحتى انك من بلدى ومن قريتى البسيطة المشهورة
بالعطاء بلا مقابل.
رد مع اقتباس
  #4  
قديم 02-05-2009, 07:09 PM
الصورة الرمزية أحمد عبد الخالق
أحمد عبد الخالق أحمد عبد الخالق غير متواجد حالياً
 
تاريخ التسجيل: Jun 2004
المشاركات: 2,144
افتراضي

* ولايهمك حمــــــاقى

* الـــشرح اللى ارفقته موضح الجزئية دى وشارح بالتفصيل , والحقيقة العملية دى مفيدة جدا فى توجيه الشخصية باحترافية

مع اطيب الامنيات
__________________

سبحان الله وبحمده ... سبحان الله العظيم

Ahmed M. Ali
IT Engineer


رد مع اقتباس
  #5  
قديم 02-05-2009, 07:31 PM
الصورة الرمزية hamaki nn
hamaki nn hamaki nn غير متواجد حالياً
 
تاريخ التسجيل: Jul 2008
المشاركات: 2,106
افتراضي

**************************************
عدلت بواسطة جهاد
رد مع اقتباس
  #6  
قديم 02-05-2009, 08:32 PM
الصورة الرمزية walid1992
walid1992 walid1992 غير متواجد حالياً
 
تاريخ التسجيل: Mar 2009
المشاركات: 543
افتراضي

الموضوع رهيــــــــــــــــــــــــــــــــــــــــب
رد مع اقتباس
  #7  
قديم 02-05-2009, 08:44 PM
الصورة الرمزية myya100
myya100 myya100 غير متواجد حالياً
 
تاريخ التسجيل: Apr 2009
المشاركات: 107
افتراضي

اظاهر التلامذة نسيوا انهم من فصل واحد ...
انا هروح اندهلكم الناظر .....
....انتوا عارفيين انا كنت عايز نعمل موسوعةpersona --dramascript خاصة بالمنتدى
التامبلت الجاهزة ممتازة طبعا.......بس الحلاوة انك تعملها بنفسك زي ما انت عايز
شمال...شمال........يمين ...يمين
__________________
ليكن مجموع همك......................... رضا الله
الله يراني .....الله ناظري.........الله مطلع علي
لا تضيع وقتك.........عش لدينك......... وخدمة دعوتك
ماذا ستقول لربك؟؟؟؟؟؟؟؟؟؟؟؟؟؟؟؟؟؟؟
*قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جمعيا*
لا تتكاسل دقيقتين يغفر الله ذنبك ........ولكن اصدق النية ويقبلك الله

http://www.shbab1.com/2minutes.htm
رد مع اقتباس
  #8  
قديم 02-05-2009, 09:01 PM
الصورة الرمزية jehad
jehad jehad غير متواجد حالياً
وسام التميز
 
تاريخ التسجيل: Sep 2001
المشاركات: 4,814
افتراضي

السلام عليكم ورحمة الله
بارك الله فيك اخي ميه ميه
جهد كبير تشكر عليه
واملا لا امرا اخاه ان كنت توثق الشرح بالصور في المرات القادمة
والا الامام
تحياتي
---------------------
رد مع اقتباس
  #9  
قديم 02-05-2009, 09:44 PM
الصورة الرمزية ganihot
ganihot ganihot غير متواجد حالياً
 
تاريخ التسجيل: Jan 2007
المشاركات: 2,955
افتراضي

برك الله فيك اخي العزيز

تحياتي عمل جميل
__________________
رد مع اقتباس
  #10  
قديم 02-05-2009, 09:51 PM
الصورة الرمزية myya100
myya100 myya100 غير متواجد حالياً
 
تاريخ التسجيل: Apr 2009
المشاركات: 107
افتراضي

ايه الاحراج ده.......شكرا اخواني على الردود
جهاد...شكرا على تثبيت الموضوع
__________________
ليكن مجموع همك......................... رضا الله
الله يراني .....الله ناظري.........الله مطلع علي
لا تضيع وقتك.........عش لدينك......... وخدمة دعوتك
ماذا ستقول لربك؟؟؟؟؟؟؟؟؟؟؟؟؟؟؟؟؟؟؟
*قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جمعيا*
لا تتكاسل دقيقتين يغفر الله ذنبك ........ولكن اصدق النية ويقبلك الله

http://www.shbab1.com/2minutes.htm
رد مع اقتباس
  #11  
قديم 02-05-2009, 11:22 PM
tmalouli tmalouli غير متواجد حالياً
 
تاريخ التسجيل: Feb 2009
المشاركات: 163
افتراضي

والله انت عبقري ...... نو ...... عبقرينو بحق وحقيق.
رد مع اقتباس
  #12  
قديم 03-05-2009, 06:02 AM
الصورة الرمزية myya100
myya100 myya100 غير متواجد حالياً
 
تاريخ التسجيل: Apr 2009
المشاركات: 107
افتراضي

متشكرين يا حج ؟؟؟؟؟؟؟؟؟ ماجد
قولت ايه يا بني .....مش هتجيب ورقك ولا ايه.......الحاج ابو العزم في بعثه للسعودية وراجع تاني
الحق جهز ورقك........عشان يقدمهولك......المدرسة خلاص هتكتمل العدد الحق بسرة
يا ترى يا بو العزم....جايبلي ايه معاك من السعودية
__________________
ليكن مجموع همك......................... رضا الله
الله يراني .....الله ناظري.........الله مطلع علي
لا تضيع وقتك.........عش لدينك......... وخدمة دعوتك
ماذا ستقول لربك؟؟؟؟؟؟؟؟؟؟؟؟؟؟؟؟؟؟؟
*قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جمعيا*
لا تتكاسل دقيقتين يغفر الله ذنبك ........ولكن اصدق النية ويقبلك الله

http://www.shbab1.com/2minutes.htm
رد مع اقتباس
  #13  
قديم 03-05-2009, 04:59 PM
mja5 mja5 غير متواجد حالياً
 
تاريخ التسجيل: Feb 2002
المشاركات: 497
افتراضي

موضوع ممتميز تشكر عليه

بس ياليت الشرح بالصور لاننا صفر في الماكس
رد مع اقتباس
  #14  
قديم 03-05-2009, 07:51 PM
tmalouli tmalouli غير متواجد حالياً
 
تاريخ التسجيل: Feb 2009
المشاركات: 163
افتراضي

ده مش ماكس.

ده الإيكلون.
رد مع اقتباس
  #15  
قديم 03-05-2009, 10:13 PM
sa89 sa89 غير متواجد حالياً
 
تاريخ التسجيل: Jun 2008
المشاركات: 100
افتراضي

مشكووور اخي ميه ميه
فعلا انت ميه على ميه
تقبل تحياتي
رد مع اقتباس
  #16  
قديم 05-05-2009, 04:30 PM
الصورة الرمزية aboel3zm
aboel3zm aboel3zm غير متواجد حالياً
 
تاريخ التسجيل: Feb 2009
المشاركات: 260
افتراضي

اتحفنا .. ودلعنا .. وزبطنا .. وبحبك يا ستامونى مهما الناس لامونى
والله العمل الجاى هديتك انتا
مع حفظ حقوق الملكيه
__________________
رد مع اقتباس
  #17  
قديم 08-05-2009, 11:49 AM
mja5 mja5 غير متواجد حالياً
 
تاريخ التسجيل: Feb 2002
المشاركات: 497
افتراضي

اقتباس:
ده مش ماكس.

ده الإيكلون.
عارف هو الايكلون ولكن قصدي التصدير من الماكس ياليت يشرح بالصور
رد مع اقتباس
  #18  
قديم 09-05-2009, 02:25 AM
الصورة الرمزية myya100
myya100 myya100 غير متواجد حالياً
 
تاريخ التسجيل: Apr 2009
المشاركات: 107
افتراضي

حبيبي mja5 فيه اضافة للماكس تمكنك من التصدير لأيكلون
يمكنك تحميلها +الشرح من الرابط التالي
http://www.mediafire.com/download.php?nlfnkhzwoug
تحياتي للجميع..........
__________________
ليكن مجموع همك......................... رضا الله
الله يراني .....الله ناظري.........الله مطلع علي
لا تضيع وقتك.........عش لدينك......... وخدمة دعوتك
ماذا ستقول لربك؟؟؟؟؟؟؟؟؟؟؟؟؟؟؟؟؟؟؟
*قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جمعيا*
لا تتكاسل دقيقتين يغفر الله ذنبك ........ولكن اصدق النية ويقبلك الله

http://www.shbab1.com/2minutes.htm
رد مع اقتباس
  #19  
قديم 17-05-2009, 03:54 PM
الصورة الرمزية وليد صفى الدين
وليد صفى الدين وليد صفى الدين غير متواجد حالياً
 
تاريخ التسجيل: Jan 2009
المشاركات: 345
افتراضي

جميل أخى الكريم وجزاك الله خيرآ
تحياتى
رد مع اقتباس
  #20  
قديم 31-05-2009, 10:48 AM
الصورة الرمزية عضو ؟؟؟
عضو ؟؟؟ عضو ؟؟؟ غير متواجد حالياً
 
تاريخ التسجيل: Mar 2009
المشاركات: 133
افتراضي

جهد ولا اروع ايه الحلاوه دي
__________________
سبحان الله وبحمده سبحان الله العظيم

لا إله إلا الله
رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
Windows Server 2003 Clustering : الجزء الأول alaa_elmahdy منتدى Microsoft Exchange Server وكل ما يخص برامج Mail Server 57 18-09-2013 02:53 PM
مجموعة كبيرة ورائعة من الحركات والمهارات الحاسوبية ( مسلسل مكسيكي طويل ) نادين المامون منتدى تبادل الخبرات 25 04-03-2010 03:39 AM
تعرف على مشاكل بدء التشغيل وطرق حلها mo7med منتدى تبادل الخبرات 6 30-09-2009 03:48 PM
اخواني محتاجةكتاب!!! ميمونة4 منتدى الكتب والمجلات الالكترونية 4 03-03-2009 03:13 PM


الساعة الآن 01:53 AM.


جميع الحقوق محفوظة لشبكة بوابة العرب
New Page 4
 
 
Copyright © 2000-2017 ArabsGate. All rights reserved
To report any abuse on this website please contact abuse@arabsgate.com