تم إيقاف المشاركات وأصبح مركز بوابة العرب التعليمي للتصفح فقط


العودة   مركز بوابة العرب التعليمي > قسم الشبكات وأنظمة التشغيل > منتدى الشبكات العام

إضافة رد
 
أدوات الموضوع
  #1  
قديم 30-11-2007, 12:51 PM
ahmedhalo ahmedhalo غير متواجد حالياً
 
تاريخ التسجيل: Jan 2007
المشاركات: 62
افتراضي ۞ مفاجاءة رقم (2) ۞ : (mcse) شرح كيفة تشفير البيانات بين جهازين بالفيديو (احتراف)




]
بسم الله الرحمن الرحيم


اعضاء المنتدى الاعزاء انا حشرحلكم موضوع جديد رائع وخطير ومهم الا وهو تشفير البيانات
مش حطول عليكم في الشرح لكن باذن الله حتستمتعوا بالشرح والتطبيق ان شاء الله
بصو انا حشرح بالعربي ازاي وايه الفكرة وانت تطبق عملي ببرنامج virtual pc او vmware
انا حشرح الموضوع دة على 4 اقسام توكلنا على الله :
[/B][/SIZE]

ما هو ال IPsec?
بصو يا اعضاء المنتدى الاعزاء باختصار علشان منكبرش الموضوع في الكتب ولاسطوانات كلام
كتير في الموضوع دة على الفاضي انا حقولك المختصر المفيد الموضوع ببساطة هو ان البيانات
بتنتقل بين جهازين في شبكة بصورة Cleartext فاذا جيه هاكر وعمل عمليه من عمليات الهكر زي
مثلا sniffer او Man-in the middel (انا مش هكر على فكرة Wink يقدر ياخد جزء من البيانات
الي بتبعتها وممكن يعرف معلومات خطيرة زي مثلا الباسوورد او رقم credit card وانت على النت
او اي حاجة مهمة . فالعلماء شافو حل للمشكلة دي وعملو نظام Encryption بحيث ان البيانات المهمة تنتقل ما بين جهازين بصورة مشفرة العملية دي في مايكروسوفت بتتعمل بال IPsec
وهو ده الي حنشرحة بالتفصيل يبقى الموضوع ببساطة انك حتنقل البيانات بس بعد ما تتشفر
جميل الجديد او الحلو في الموضوع ان في الفيديو الي انا مقدمهولكو هو شرح عملي للعمليه
هو بالانجليزي بس رائع حبيت اعملة بنفسي لقيت ان حياخد مساحة رهيبة ومشكلة ان صوتي في المايك طالع غريب شوية المهم في الفيديو ده حتشوف بعنيك g: ازاي الداتا من غير تشفير
ممكن الهاكر يكتشفها ازاي وكمان تشوف شكل البيانات وهيا مشفرة يا سلام شغل امريكان بقى
ما علينا .

################################################## #####
ما وظيفة ال IPsec؟
بيعمل عمليتين
-Encryption تشفير
- integrity تضليل مش لاقي ترجمه ليها غير كدة التشفير معروف طب التضليل دة ايه
ده موضوع يطول شرحة لكن الي عاوزك تعرفة ان التشفير اقوى منه التضليل
مبيعملش الا طرق لتضليل الهاكر طب لو هاكر دمه تقيل وعرفيهرب من
عمليه التضليل حيقدر يشوف البيانات المهمة المبعوته في السلك فالتشفير
حل مثالي ورهيب للحفاظ على امن البيانات (شغل مخابرات) :up:
################################################## ####
مكونات IPsec
باختصار شديد جدا جدا بدل كلام الكتب الكتير علشان تعرف ال IPsec ما بين جهازين ادامك اربع مراحل مجموعة في كلمة PRFA ازاي بقى :
- Policies اول حاجة تعرفها
- Rules تاني حاجة بتعرفها وهنا بيقلك (IP - ICMP) يعني تستخدم اي واحد قوله Ip
-Filters تالت مرحلة تعمل فيلتر لاي نتورك بالظبط عاوز تعمل ipsec
- Action هنا بقى بتختار نوع التشفير
باختصار في العملي حتفهموها PRFA
################################################## #####
طريقة تعريف IPsec authintication؟
ايه الموضوع ده بقى بصو باختصار شديد يعني كلمة authintication يعني بالعربي زي كدة
اوراق اعتماد مستندات من الاخر عبارة عن الاتي مثلا لما تيجي تدخل على الماسنجر لازم تكتب حاجتين username و password و لما تدخل على جهاز السرفر لازم تكتب الحاجتين دول
ولما تدخل على المنتدى لازم تكتبهم هي دي عمليه ال authintication من الاخر تكتب اسم المستخدم والباسورد طيب جميل انا عاوز اشبهلكم موضوع التشفير دة بمثل بسيط في الحياة يارب يكون سهل وتفهموه:
بصو تخيلو ان في اتنين اصحاب واحد اسمة احمد والتاني محمد
احمد عاوز يبعت رساله لمحمد فاخدت الورقة وكتب فيها مثلا ازيك يا محمد كيف الحال
جيه صاحب ليهم بس تقيل الدم (هاكر) واخد الورقة باي شكل علشان يعرف ايه الي فيها
يمكن ضرب احمد مش عارف المهم ببساطة شديدة حيفتح الورقة ويعرف الي فيها تمام
--------------
طيب لو جيه احمد ومحمد اتفقو على انهم يبعتو الرساله دي بينهم وبين بعض وهما في الفصل
وبالرغم من ان في طلبه كتير لكن مش حيعرفو ايه الي جوة الرساله فاتفقو على انهم يعملو encryption ازاي اخدو الرسالة وكتب ازيك يا محمد كيف الحال وغير طريقة الكتابه وبقيت الجملة مش واضحة الا للاتنين بس احمد ومحمد مش كدة وبس كمان حطو الرساله في صندوق وقفلوة
بقفل وعمله من المفتاح نسختين واحدة مع احمد وواحدة مع محمد سؤالي ليكم يا ترى لو صاحبهم تثيقيل الدم حب يعرف ايه الي في الرساله حيقدر ؟؟؟؟؟؟؟ (طبعا ناس حتهزر وتقول ممكن يضرب احمد وياخد المفتاح هههههه) ما علينا هوا دة بالظبط الي بيعملة ipsec
جميل السؤال هنا طب اي جهازين انا عاوز ابعت بينهم البيانات مشفرة ايه العلامة المميزة
ما بين الاتنين طبعا ال ip address كل جهاز في الشبكة ليه ip address انتو اكيد عارفين
طيب في 3 طرق علشان نعمل مفتاحين واحد يعمل تشفير Encryption
والتاني يفك التشفير decryption طبعا في الكمبيوتر مفيش مفاتيح ممكن تختار واحدة من التلاتة دول
1- kerberos ودة نظام تشفير اسهل واحد قوي في الحمايه
2- Certification ودة عبارة على انك بدل المفتاحين تستخدم تكنلوجيا وهي انك تعمل شهادتين
واحدة مع الي مشفر البيانات والتانيه مع الي حيفك التشفير
3- pre-shared key ودي طريقة سهلة وهيا انك تتفق مع الي حتبعتة البيانات مشفرة
عبى كلمة سر بينكم وهيا دي المشروحة في افيديو وهو كتب Hello
بس على فكرة مش قويه ممكن الهاكر يكتشف الكلمة
ابسط واحسن واحد kerberos
################################################## ####
تحذير
كدة الحمدلله انا خلصت الشرح وعندك الفيديو العملي حتستمتعو بالطرق والحيل الي فية
وحتفهوموها بسهوله ان شاء الله بس اهم 3 حاجات عاوزك تنتبه منها
1- في شرحي للطريقة عمال اقول تنقل بايانات مشفرة بين ايه جهازين جهازين بس
لانك مش في احتياج تعمل الموضوع دة في شبكتك كلها لحسان تحصل مشاكل رهيبة
بدل ما تدعيلي تدعي عليا اساسا الاستخدام ليها في مواقف زي remote access
الناس الي بتدخل على السرفر عن طريق vpn من البيت وعاوز تحافظ على سرية البيانات
عندك سرفر قواعد بيانات مثلا يعني ينصح انها تكون جهازين في شبكتك وجرب اي حاجة
قبل ما تعملها ب virtual pc
2- في الفيديو التالت الراجل وهو بيشرح عاوز يخليك تشوف شكل الداتا قبل التشفير وبعد التشفير
ودي عمليه جميله جدا جدا مش حتشوفوها لا في كتب ولا مراكز تدريب هواعمل ايه هوا بعت
رساله من جهاز الي جهاز تاني وببرنامج ال network monitor حقولك تحملة ازاي بيعمل capture
للداتا اثناء ما الرساله بتتبعت وهيا حتشوف hello وبعد كدة يعرف ال ipsec ما بين جهازين ويبعت
الرساله ويوريلك شكل الداتا بتتبعت ازاي مشفرة والهاكر مش حيفهم حاجة الامر المستخدم
علشان لما تيجي تجربها net send +ip address + massage
net send + computername + massage
وبرنامج network monitor تجيبوة من
1 control panal
2- add/remove programes
3- management and monitoring tools
4- حتلاقي البرنامج وحمله network monitors tools
المفاجاءة
-------------
حتلاقي لماتيجي تعمل امر net send مفيش رساله عاوزة تتبعت وانت حتسال نفسك ليه
وممكن تتعقد من نفست وممكن تقول دة كورس mcse ده صعب لا يا عم حرصا مني علشا تفهموا
حقلوكم سر علشان تشغل خاصية انك تبعت رساله في الشبكة من جاز الى جهاز net send
في الجهازين اعمل الخطوات التاليه :
في ال xp ادخل على
1- control panal
2- administrative tools
3- services
4- حتلاقي حاجة اسمها massenger كليك مرتين
5- اختار automatic في startup type وكليك ok
6- كليك start the services
-----------------------------------------------------------------------
3- خلي بالك وانت بتعرف ipsec لو عملت ping علشان تشوف الجهاز متوصل يالتاني ولا لا
ومنفعش يبقى لازم تعرف ان المشكلة في تعريف خاطيئ ال ipsec وغالبا ما يكون ال
authintication
--------------------------------------------------------------------------------------
ان شاء الله كدة تعمل امر net send يشتغل معاك انا كدة شرحتلكم حاجه كانت ممكن تغير فكركم
على فكة يا جماعة الشبكات لا عايزة ذكاء ولا عقليه عاوزة واحدة مجتهد يعرف ويجري ورا المعلومة
انا كدة خلصت ورفعتلكم الفيديوهات على موقعين علشان اخوانا الخليجيين سعات عندهم مشاكل في التحميل ارجو يا رب ان المفاجاءة دي تكون نالت رضاكم وتستفيدو منها

ده الفيديو الاول وفي شرح بصورة جميله لعمليه التشفير بالipsec
http://www.4shared.com/file/30771897...c_explain.html
http://www.mediafire.com/download.php?em9vdxjnc13
-----------------------------------------------------------------------------------
ده الفيديو التاني وفي شرح عملي لطريقة تعريف ال ipsec
http://www.4shared.com/file/30772024...sec_lab_1.html
http://www.mediafire.com/download.php?51xyonhqn2m
-------------------------------------------------------------------------------------
ده الفيديو التالت ودة الروعة الي بيشرحلك عملي الفرق ما بين شكل البيانات
مرة لما تكون مشفرة Encrypted ومرة لما تكون غير مشفرة cleartext
http://www.4shared.com/file/30772212...sec_lab_2.html
http://www.mediafire.com/download.php?d0dmzlo1jgm
------------------------------------------------------------------------------------

والفيديوهات دي بتاعت ال testout للامانه العلمية
مع اشد تحياتي ليكم
AhmedHAlo


قال رسول الله صلى الله عليه وسلم :
من سلك طريقا يلتمس فيه علما سهل الله له به طريقا الى الجنة[/]

التعديل الأخير تم بواسطة ahmedhalo ; 30-11-2007 الساعة 02:50 PM
رد مع اقتباس
  #2  
قديم 30-11-2007, 01:22 PM
المقنص المقنص غير متواجد حالياً
 
تاريخ التسجيل: Dec 2001
المشاركات: 45
افتراضي

بارك الله فيك ،،، الله ينورك ويزيدك يارب
رد مع اقتباس
  #3  
قديم 30-11-2007, 02:18 PM
الصورة الرمزية Complover
Complover Complover غير متواجد حالياً
مشــرف ســابق
 
تاريخ التسجيل: May 2006
المشاركات: 1,278
افتراضي

ما شاء الله
ابدعت في شرحك و اكملته بالتطبيق العملي من خلال شروحات الفيديو
بصراحه مفاجئاتك جدا رائعه
و لك منا كل الدعم
فاهلا بك عضوا مميزا في هذا الصرح العلمي
موضوعك مثبت لمستواه العالي
تحياتي
__________________


إني تذكرت و الذكــــرى مؤرقة******مجــــــــداً تليداً بأيدينا أضعناه
أنى اتجهت إلى الإسلام في بلد******تجده كالطير مقصوصاً جناحاه
كـــــــــم صرفتنا يد كنا نصرفها******و بات يملكنا شــــــعب ملكناه


لا حول ولا قوة الا بالله العلي العظيم
رد مع اقتباس
  #5  
قديم 30-11-2007, 09:42 PM
الصورة الرمزية ayman21sa
ayman21sa ayman21sa غير متواجد حالياً
 
تاريخ التسجيل: Nov 2002
المشاركات: 327
افتراضي

صراااحة .. مشاركة راااائعة وتستاهل احلى تثبيت ...
رد مع اقتباس
  #6  
قديم 01-12-2007, 11:11 AM
الصورة الرمزية a_baidak
a_baidak a_baidak غير متواجد حالياً
مشــرف ســابق
 
تاريخ التسجيل: Nov 2006
المشاركات: 2,945
افتراضي

الف الف شكرا يا باشا وبارك الله فيك اخى الكريم
__________________


رد مع اقتباس
  #8  
قديم 01-12-2007, 06:09 PM
Mr_srd Mr_srd غير متواجد حالياً
 
تاريخ التسجيل: Jun 2004
المشاركات: 36
افتراضي

ألف شكر على هذا المجهود الرائع .....
والله يكثر من امثالك
الذي يحاولون ان يبسطون من العلم ويحببون الناس فيه
ألف شكر وشكر لك
جعله الله مف موازين حسناتك
رد مع اقتباس
  #9  
قديم 02-12-2007, 11:04 PM
النــــــــــــــاقد النــــــــــــــاقد غير متواجد حالياً
 
تاريخ التسجيل: Jan 2007
المشاركات: 34
افتراضي

جزاك خيرا يا أبو حميد


الله ينورك


ويفتح عليك يا عسل


:clap2
:

التعديل الأخير تم بواسطة النــــــــــــــاقد ; 02-12-2007 الساعة 11:07 PM
رد مع اقتباس
  #10  
قديم 05-12-2007, 03:51 PM
kindsword kindsword غير متواجد حالياً
 
تاريخ التسجيل: Nov 2006
المشاركات: 444
افتراضي

جزاك الله خيرا وجعلة في ميزان حسناتك
رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بالفعل زلزال يهز المنتدي بكل المعايير .................وباللغه العربيه البرباوي2020 منتدى البرامج 31 03-08-2008 07:33 PM
>[ دليــل ... البرامــج المشـروحــة ]< mhm منتدى البرامج المشروحة 3 08-07-2007 10:19 AM


الساعة الآن 05:39 PM.


جميع الحقوق محفوظة لشبكة بوابة العرب
New Page 4
 
 
Copyright © 2000-2018 ArabsGate. All rights reserved
To report any abuse on this website please contact abuse@arabsgate.com